"FIAT 500 FOREVER YOUNG EXPERIENCE" Triumfon në skenën e Mediastars

Në muajin Maj, FIAT 500 triumfon në skenën e Mediastars me çmimin “FOREVER YOUNG EXPERIENCE”. I organizuar nga Auditorium Testori, eventi u ndoq nga një numër i madh agjensish marketingu, kompani xhirimi dhe kompani të produksionit audiovisual.

Juria përzgjodhi FIAT 500 në dy vendet e para, në sektorët e “Event” dhe “Mediastar “, për turneun “Forever Young Tour Experience”, në të cilin u festua 60 vjetori i Fiat 500 në vitin e kaluar me rihedhjen në treg të modelit të 1957-s.

Eventi u zhvillua në disa nga qytetet më prestigjioze të Europës: nga Milano në Londër, nga Berlini në Paris e më pas në Madrid. Ylli i këtij udhëtimi ishte padyshim 500 Collezione, duke e vendosur emrin e vet midis markave më të mira të modës, artit dhe sportit.

Mbi dy milionë makina të shitura në mbi 100 vende të botës. Mbi 80% e shitjeve janë jashtë Italisë dhe modeli 500 ka qenë makina më e shitur në tregun e vet që nga viti 2013. Në katër muajt e parë të vitit 2018, 500 e shihte veten si lider në treg në nëntë vende të ndryshme. Gjithashtu në katër muajt e parë të 2018, 500 theu rekordin personal me mbi 74,000 makina të shitura në Europë.

Fiat 500L vlerësohet me çmimin automjeti me performancën më të mirë ekonomike, “Best Economic Performance”

Automotive Science vlerëson modelin popullor të Fiat 500L për karakteristikat e saj. Minivan-i italian u vlerësua me çmimin Best Economic Performance nga Automotive Science. Studimi zbuloi se makina e markës historike të Torinos, që i përket Fiat Chrysler Automobiles, ofron vlerën dhe performancën më të mirë ekonomike krahasuar me çdo makinë tjetër në klasën e saj. Vetë Colby, menaxheri i Automotive Science, tha se Fiat 500L u vlerësua si automjeti me performancën më të mirë ekonomike në këtë kategori, falë çmimeve të ulëta në treg dhe kostove operative shumë të ulëta në një segment të tillë konkurrues. Diçka tjetër që ka bërë diferencën është platforma veçanërisht e lehtë e automjetit që bën të mundur efikasitetin në aspektin e konsumit. Kjo rezulton në ndotje më të vogël dhe prodhim më të madh operacional.

Duke marrë parasysh blerjet dhe kostot e operimit në gjashtë vite, Fiat 500L arriti të kapërcejë rivalët e saj të drejtpërdrejtë dhe të marrë çmimin e Performancës më të mirë Ekonomike e dhënë nga Automotive Science. Ndërsa planifikojmë të lançojmë gjeneratën e re të automjetit më të popullarizuar brenda 5 viteve, shpresojmë se do të bëjmë edhe më mirë se versioni aktual.