EDHE LEGJENDAT RRITEN.

Ato edhe ndryshojnë. E tillë është FIAT 500, ikona më e fundit, që sot i shton guxim dhe joshje anës së saj elegante dhe dinamike.

Dashuri dhe Guxim

Fytyra e qeshur e 500-ës është bërë edhe më intriguese. Faqja e përparme duket edhe më e hijshme falë linjave dhe parakolpit që rrethon grilën tre dimensionale. Tani është më tërheqëse, më tipike, e si të thuash, më pesëqindshe.

Fenerët e rinj poli-eliptikë komunikojnë dhe duket se ia bëjnë me sy errësirës. Ndërsa dritat e reja për përdorim gjatë ditës të pajisura me teknologjinë LED, janë të frymëzuara nga zeroja e 500-ës dhe në errësirë marrin formën e logos, duke e bërë atë lehtësisht të dallueshme natën.

NJË PREKJE KLASI DHE STILI

Profili i pagabueshëm i 500-ës, nuk ka ndryshuar aspak, por është bërë edhe më unik, falë dy disqeve të çmuara prej aliazhi, versionit 15“ ngjyrë gri me shkëlqim, dhe atij 16″ ngjyrë diamanti i zi mat. Dizajni i ri i FIAT 500-ës është përmirësuar edhe më tepër me dy ngjyra të reja: e kuqe korale pastel, mjaft e ndezur dhe e dukshme dhe nuanca vishnje me veshje metalike, tepër e rafinuar dhe elegante.

KOLEKSIONI 500

Askush nuk ka qenë më elegante se kjo zonjë. Sot 500-a paraqet koleksionin e saj të ri të veshjes së makinave: 6 modele grafike për të veshur linjat e saj të reja me hijeshi, imagjinatë, gëzim dhe humor. Asgjë nuk i mbetet rastësisë: çdo zgjidhje grafike mund të kombinohet me ngjyra të veçanta për veshjen e jashtme dhe është në dispozicion në më shumë se një lloj – MINI (anët) ose MIDI (e vesh makinën nga brezi e lart duke përfshirë çatinë, mbulesën, pasqyrat, rripin e sigurimit, ndarjet e bagazheve dhe kornizat e derës)

KARAKTERI MUND TË SHIHET NË DETAJET

Si rripi i ri i kromit, që ngre parakolpin, dhe strehon dritat për mjegull dhe ato kthyese, ose si njësitë e saj të reja të pasme optike, që integrojnë dritat e ndalimit, dritën e pasme dhe indikatorët, duke e inkuadruar objektin. Kjo është një zgjidhje e pazakontë dhe e guximshme, e cila vë në dukje kapacitetin e 500-ës për t’u rinovuar vazhdimisht, pa e humbur shpirtin e saj të përjetshëm.

PERSONALITET DHE BUKURI. KOMBINIM I PËRSOSUR.

Stili i guximshëm i pjesës së jashtme rrethon pjesët e brendshme të rinovuara tërësisht, më tërheqëse, elegante dhe të rafinuara. Edhe një herë, 500-a është gati të habisë.

PËRSOSMËRIA NUK ËSHTË NJË AKSESOR

Paneli i aparaturave është shqyrtuar tërësisht për të përfshirë në mënyrë harmonike teknologjinë e re. Elementet e kromit dhe kontrollet më të rrumbullakëta të dizajnit janë shumë të dukshme. Por modeli i ri 500C nuk është vetëm i bukur, ai është funksional dhe tani në panelin e aparaturave ka edhe një ndarje të re të përshtatshme për kroskot dhe një tunel të ri qendror me porta USB / Aux dhe një mbajtëse shumë më të gjërë për vendosjen e filxhanit.

GJITHÇKA NËN KONTROLL

Timoni i ri me një dizajn shumë të veçantë është zbukuruar me elemente kromi.
Shfaqja e re dixhitale 7 “TFT ju jep mundësi që të mbani nën kontroll gjithë informacionin e nevojshëm gjatë drejtimit të automjetit, të tilla si, të dhënat për thirrje të shpejta telefonike, takimetrin, temperaturën dhe treguesin e ndryshimit të marsheve, i cili ju sugjeron se kur duhet të ndryshoni marsh, si dhe kompjuterin e udhëtimit , që ju mundëson të caktoni trim-in e makinës në varësi të distancës që do të udhëtoni, konsumit të karburantit, diapazonit etj.

FRYMËZUAR NGA MODA LUKSOZE

Stil, stil, stil e akoma më shumë stil. Materialet e reja dhe pëlhurat e zgjedhura për veshjen e pjesëve të brendshme të 500-ës së re, vijnë drejt e nga pasarelat më elegante. Këtu paraqitet një ndenjëse e veshur me një cope të leshtë të zbukuruar me kuadrate në ngjyrë tjetër dhe lëkura e re e çmuar në ngjyrë të kuqe të errët e zbukuruar me elemente ngjyrë blu, që i japin asaj një nuancë klasike, në kujtim të ngjyrave të viteve ’60.

ÇDO UDHËTIM DUHET JETUAR NË KOMODITET

Për t’ju garantuar gjithë rehatinë që keni ëndërruar, tashmë janë ndenjëset e reja të bëra me materiale edhe më ergonomike dhe të dizenjuara në mënyrë të tillë që pasagjerët të hyjnë më lirisht në ndenjëset e pasme.